Meri Baari Hai Lyrics – Pardhaan | New Punjabi Lyrics

Meri Baari Hai Lyrics by Pardhaan, The song Meri Baari Hai Sung by Pardhaan Belong Album Meri Baari Hai released on 02 Nov 2016 in latest Punjabi Single Track category. lyrics written by Pardhaan Music composed by Harry Cheema Meri Baari Hai Song Free download Djpunjab.

Duniya gol hai aaj maine maan liya
Wahi par pahuncha hun jahaan se start kiya..tha
Jhujharu ab main haar gaya
Itne dino ka sangharsh barbaad gaya

Main aapa kho raha hoon
Jaagta hun kam
Zyada so raha hoon
Kayarta ki charam seema paar logon ko
Chup karata tha
Aaj khud main ro raha hun

Gumnami ka andhera behtar hai
Likhna nahi fayeda kuch bhi keh kar hai
Befizul ki utha li zimewari maine
Tez kulhadi karke uspe gardan maari maine

Har nazar gadi mujh par
Nazar lagi mujhe
Main niche hoon ya sabse upar
Khabar nahi mujhe

Dheron bhaav ghabrahat ke mere mooh pe
Kheench ke rakhta hoon aaj kal main kaan khud ke
Upar se vishvash uthta jaa raha hai
Rinni hun tumhara bhai gaa raha hai
Raahu betha sar par ketu aane wala hai
Kismat khuli nahi kabhi laga uspar laga tala hai

Baais saalon se fansa hoon iss zindagi mein
Main hi akela berozgar hoon apni gali mein
Nashihat dete log saath nahi deta koi
Vaada karte dete tod jaise hain neta koi

Dhoondhne mein laga khazana Kuber ka
Waqt ki barbadi karta hosh nahi der ka
Musibat mein nahi main khud hi mushibat hoon
Khushiyan khareedni hai bolo kya keemat doon?

Kya jeevan mera hoga theek hai mujhe shak
Khud ki khushi khudkhushi hai mera haq
Buzdil nahi jo baatein kahi ek soch hai
Sab ek railgadi mein sawaar bas alag coach hai

Aaj dukh mein hoon agla padaav kaamyabi
Main asli pita tumhara tumhe khabar zara bhi
Jaante nahi beshaq se sunte mere gaane
Na rakho dilchaspi agar koi meri maane

Thaane-thane mein likha hai mera naam
Bura insaan jo karta bas ache kaam
Shaam hote hi aa jati mujhe teri yaad
Kasam se mohabbat nahi huyi tere baad

Jo tere saath tha mera naam mitana hai
Khud ko bhula hoon yaad dilana hai
Asal mein kho jana hi manzil paana hai
Main pura pagal ye duniya pagalkhana hai

Aankhein masal li main ki poori tyari hai
Door karni hai dikatein jitni bhi saari hai
Sab kuch karna hai theek koshish meri jaari hai
Sabse piche khada tha ab meri baari hai

Meri baari hai
Meri meri baari hai
Sabse piche khada tha ab meri bari hai (x2)

Badbola hun mujhe lena dena kya hoti taal
Kalam se wafadari nahi chhodi filhaal
Dhanaywad tahe dil se karta hoon shrotagano ka
Jinhone rakhe sar aankhon par khurafati mere khayal

Ab lekin mujhko pachtana nahi hai phir se
Akela hi accha hoon door bhagun mehfil se
Badi mushkil se ab jaake suni hai dil ki
Accha laga mujhko aaj khud hi se milke

Dheeraj sanyam sanjeedgi
Sabki naak mein dam kiya
Aankhon mein jhonki dhool
Aur kaam kam kiya

Ab laanghna hai shamtaaon ko
Aadto ka karna hai ulhangan
Daridarrta ko chhod
Mehnat se sapna karna hai sampan

Dum kham kam nahi
Bas jeet ki darkaar hai
Dil aur dimaag mere dono bimaar hai
Mujhse milto julto ki tadaad bharmaar hai
Aap ke samaksh ye kuch mere vichar hain.